Amitié Picardie Madagascar

Namaha olana ny fanabeazana any Mandrosoa 106

“Tsy ho lavitra intsony ary tsy ho sahirana ireo ray aman-dreny sy ny mpianatra ao amin’ny tanànan’Ankombona, Manjambohitra any Mandrosoa Andramasina amin’ny fanovozana fahalalana sy fahaizana”, hoy Ranarison filoha mpanorina ny Fikambanana kristianina ho fampandrosoana ny kaominina (Ac/dc 106 Mandrosoa Andramasina) tamin’ny fotoam-pitokanana izany sekoly vaovao izany, ny faran’ny herinandro teo. Mandeha an-tongotra ora roa latsaka vao mahita sekoly ireo mpianatra.

Vokatry ny fiaraha-miasan’ny Ac/dc 106 sy ny Amitie Picardie Madagascar no nahavitana ny sekoly. “Misahana ny lafiny fanabeazana, indrindra ny fanorenana fotodrafitrasa ny Fikambananay efa ho an-taonany maro izao. Miasa amin’ny faritra maro manerana ny Nosy ho fanampiana ny mpiray tanindrazana”, hoy Raketabolona filoham-boninahitry ny Amitie P. M. Etsy andaniny, nanome toky ny hanampy eo amin’ny fampitaovana sy ny fanomezana mampianatra kosa ny solontenan’ny Cisco ao Andramasina.

Marihina fa mirefy 28 no ho 8 m ny sekoly ary ahitana efitra efatra. Naharitra 5 volana ny asa ary mitentina 18.000 euro ny fanorenana.

Synèse R.